22
декабрь
2025
«Экологиялық таза өнім алу жолдары» тақырыбындағы тәжірибелік практикум сабағы
2025 жылғы 22 желтоқсанда қосымша білім беру педагогтары Ғ. Базарбай мен С. Бейбіттің ұйымдастыруымен мектеп жанындағы жылыжайда «Экологиялық таза өнім алу жолдары» тақырыбындағы тәжірибелік практикум сабағы өткізілді.Сабақтың мақсаты – білім алушыларға экологиялық таза өнім алудың тиімді әдістерін тәжірибе жүзінде меңгерту, экологиялық мәдениет пен табиғатқа жауапкершілікпен қарау көзқарасын қалыптастыру.
Сабақ барысында оқушылар жылыжай жағдайында өсірілетін қияр, редиска, банан және құлпынайдың өсу ерекшеліктерін бақылап, органикалық тыңайтқыштарды қолдану, суару нормасын сақтау, өсімдіктерге күтім жасау жұмыстарын орындады. Тәжірибелік жұмыстар арқылы экологиялық ауыл шаруашылығының негізгі қағидаттары түсіндірілді.
Жылыжайда ұйымдастырылған бұл сабақ оқушылардың зерттеу дағдыларын дамытуға, еңбекке баулуға және табиғатты қорғауға жауапкершілікпен қарау көзқарасын қалыптастыруға ықпал етеді.