23
декабрь
2025
Ұлттық ұлан – сенімді тірек!
2025 жылы 23 желтоқсан күні Мұхтар Әуезов атындағы жалпы орта білім беретін мектеп-лицейінде Тараз қаласы Ұлттық ұлан 5513 әскери бөлімінің кадр бөлімінің бастығы Карибаев Ақәділ Серікұлы Қазақстан Республикасы Ұлттық ұланы Академиясына 11 сынып білім алушыларына қабылдау жүріп жатқанын және Ұлттық ұлан офицерлерін даярлау шарттарын түсіндіріп, үгіт насихат жұмыстарын жүргізді.
Қазақстан Республикасы Ұлттық ұланы Академиясы — ел қауіпсіздігін қамтамасыз ететін, Отанға адал қызмет ететін кәсіби офицерлерді даярлайтын жоғары әскери оқу орны.
Академияда білім алу – бұл:
- жоғары деңгейдегі әскери және зияткерлік білім;
- тәртіп, жауапкершілік және көшбасшылық қасиеттерді қалыптастыру;
- мемлекет есебінен оқу, киім-кешек және тамақпен қамтамасыз етілу;
- оқу барысында шәкіртақы алу;
- оқу бітіргеннен кейін тұрақты жұмыс пен әскери атаққа ие болу.
Ұлттық ұлан Академиясының түлектері:
- қоғамдық тәртіпті сақтау;
- стратегиялық маңызды нысандарды күзету;
- ел қауіпсіздігін қамтамасыз ету бағытында қызмет атқарады.
