«Мұхамеджан Тынышбаев атындағы ALT Университеті» АҚ-ның кәсіби бағдар беру жұмысы

«Жамбыл облысы әкімдігінің білім басқармасының оқу-әдістемелік орталығы» коммуналдық мемлекеттік мекемесінің 23.09.2025жылғы №01-05/1000 хатына сәйкес 2026 жылы 28 қаңтар күні Мұхтар Әуезов атындағы жалпы орта білім беретін мектеп-лицейінде «Мұхамеджан Тынышбаев атындағы ALT Университеті» АҚ-ның білім беру ұйымдарында 11 сынып білім алушыларына кәсіби бағдар беру жұмыстарын жүргізді. 

          ALT университеті (Мұхаметжан Тынышбаев атындағы ALT University) — Қазақстандағы жекеменшік жоғары оқу орны. Ол көлік, коммуникация, логистика, экономика және техника салаларында мамандар дайындайды. ALT университетінде оқу келесі деңгейлерде жүргізіледі: 

Бакалавриат - 42-ден астам білім беру бағдарламасы бар.

Магистратура - инновациялық бағдарламалар мен тәжірибелік диссертациялар.

Докторантура (PhD) — ғылыми-зерттеу негізіндегі оқыту.

Біліктілікті арттыру курстары — 130-дан астам бағдарлама.
 Университеттің дипломы Қазақстанда және әлемнің көптеген елдерінде танымал. Университет көптеген шетелдік жоғары оқу орындарымен ынтымақтастық орнатқан — Германия, Франция, Қытай, Оңтүстік Корея, Польша, Балтық елдері және басқа да елдермен академиялық мобильдік және студент алмасу бағдарламалары жүргізіледі. Қалаған салаңыз бойынша маман болуды көздесеңіз, ALT университеті — көлік, логистика, экономика және цифрлық технологиялар салаларында білім алуға мүмкіндік беретін білім ордасы. Жауапты: КББ педагогтары Ж.Иманбаева, А.Байкулова.